  |
|
有感而發 Thoughts
and Voices
10 除了船灣新市鎮，還有…… 日期：2017-07-31
|
 最近有兩位學者提出了一個妙絕的構思去解決土地短缺問題，就是填平船灣淡水湖，可以興建30萬個住宅單位，變身成人口達120萬的「船灣新市鎮」，規模超越沙田/馬鞍山（73萬人口）、屯門（50萬人）、將軍澳（40萬）、大埔（32萬）、天水圍（30萬）、粉嶺/上水（26萬）、元朗（15萬）和東涌（13萬），並興建鐵路和高速公路連接各區……  睇清楚，原來建議不是要完全填平個水塘，而是只填一半，剩下的水道做裝飾又好，坑渠又好，總之已經平衡了發展與保育所需，謝主隆恩！ 方案：船灣新市鎮 面積：600公頃 人口：120萬 難題：如何解決飲水問題？ 解決：買多啲東江水，起多兩間海水化淡廠就足可解決啦！Take it easy! 其實，引用同一邏輯，天行都有不少妙絕方案可供大家考慮：  方案一：快活谷新市鎮+沙田馬場新市鎮 面積：100公頃 人口：20萬 難題：馬迷點算？ 解決：仲out唔out啲呀？轉賭波啦！Take it easy!  方案二：填海建「淺水灣新市鎮」 面積：100公頃 人口：20萬 難題：冇水游點算？ 解決：轉跑步啦！Take it easy!  方案三：改建政府大球場、各區運動場、中央公園、狗公園來建屋 面積：400公頃 人口：80萬 難題：冇得跑步了！ 解決：轉游水啦！Take it easy!  方案四：萬宜新市鎮 面積：900公頃 人口：180萬 難題：連失兩個大水塘，連東江水都無處貯！ 解決：飲少兩啖水啦！Take it easy!  方案五：吐露港新市鎮 面積：3000+公頃 人口：600萬+ 難題：有需要咁多土地嗎？ 解決：你唔住，每日150個新鮮到港的表叔大媽+內地生大軍+普通話科技專才+一帶一路交流生+炒樓炒股投資移民都要住㗎！Take it easy! 如果規劃可以這樣兒戲，我都可以做學者了！ P.S. 突然想起前排有個規劃師向城規會提議取消中區電車，這個年頭實在太多牛鬼蛇神出沒了！ |